Sjømat med Credo

Kva skal skje? 
Utforsk havets spiskammer og gamle metodar for å foredle og konservere norsk fisk og sjømat. Credo lærer oss om koking i syre, salting i tønne, graving eller tørking. Vi går frå stasjon til stasjon og får vite kva dei ulike råvarene kan brukast til, og korleis sjømaten held seg best. Sjølvsagt prøvesmakar vi undervegs. 

Kven møter du? 
Credo er ei matverksemd leia av kokken Heidi Bjerkan, med røter i berekraft, lokal matkultur og norsk tradisjon. Dei held til på Nasjonalbiblioteket, der mat blir formidla som kultur gjennom måltid skapte med respekt for jorda og råvarene. 

Når og kor?  
Laurdag 10.00–11.30 og 12.00–13.30 

Nasjonalbiblioteket, Bakgården kantine. Inngang frå Solli plass.   
Slik kjem du deg hit: Besøk Nasjonalbiblioteket

Treng du billett?   

Verkstaden er gratis, men du må melde deg på for å sikre deg plass:  

Laurdag klokka 10.00– 11.30 Hent billett!
Laurdag klokka 12.00– 13.30 Hent billett!

Møt opp seinast ti minuttar før start. Påmelding er bindande og inkluderer smakebitar. 

Kva er Handverksfestivalen?  

Handverksfestivalen på Nasjonalbiblioteket er ein årleg festival som feirar den materielle kulturarven vår. Gjennom verkstader, panelsamtaler, foredrag og kunstopplevingar formidlar vi kunnskap om alt folk har laga med hendene i tidlegare tider. I år er temaet for festivalen havet. Ein viktig arbeidsplass, eit rikt matfat og ei kjelde til forteljingar, kunst og musikk. Vi byr på over tjue arrangement over to dagar. Sjå heile programmet her!

Mat og drikke:

Credo gir publikum ved Nasjonalbiblioteket eit serveringstilbod forankra i norsk matkultur. I Nasjonalbibliotekbaren kan du nyte småmat og forfriskingar, og i løpet av hausten opnar bakeri, kantine og restaurant: https://www.nb.no/ombygging
Med kunnskap om og respekt for jorda og råvarene skaper Credo måltid der fortid, notid og framtid møtast.

Velkomen!