The Fosse Lecture and the Fosse Prize for Translators

In December 2023, it was announced that the government will honor Nobel Prize in Literature winner Jon Fosse by establishing an annual Fosse Lecture and a Fosse Prize for translators, organized by the National Library of Norway. 

In line with Fosse’s work, the Fosse Lecture aims to bring literature as an art form to the foreground of public discourse. The lecturer will be an international author, playwright, academic, or intellectual who is making a significant contribution to the understanding or dissemination of literature worldwide. 

The Fosse Prize will be awarded in collaboration with NORLA and will be given to a translator who has devoted extensive time to translating Norwegian literature into other languages. The grant aims to celebrate translators who work with the Norwegian language and contribute to making Norwegian literature accessible to an international audience. 

With the Fosse Lecture and Prize, Norway establishes a new annual cultural tradition, bringing world literature to Norway and Norwegian literature to the world.  

Ei årleg heidring av Jon Fosse

I desember 2023 blei det annonsert at regjeringa heidrar nobelprisvinnar i litteratur Jon Fosse med eit årleg Fosseforedrag og ein Fossepris for omsetjarar, i regi av Nasjonalbiblioteket.  

Fosseforedraget skal, i tråd med virket til Fosse, setje litteraturen og dramatikken i seg sjølv på dagsordenen. Forelesaren vil vere ein internasjonal forfattar, dramatikar, akademikar eller intellektuell som yter eit viktig bidrag til forståing eller formidling av litteratur på verdsbasis.  

Fosseprisen skal delast ut i samarbeid med NORLA, og vil gå til ein omsetjar som over tid har arbeidd med å omsetje norsk litteratur til andre språk. Prisen skal vere ei hyllest til omsetjarar som arbeider med det norske språket, og som i virket sitt er med på å gjere norsk litteratur tilgjengeleg internasjonalt. 

Den første tilstellinga finn stad på Slottet 24. april 2025. Då skal tyske Hinrich Schmidt-Henkel ta imot Fosseprisen for omsetjarar, og den franske filosofen Jean-Luc Marion skal halde det første Fosseforedraget. Den Høgvørde Kronprinsesse Mette-Marit er beskyttar for både Fosseforedraget og Fosseprisen for omsetjarar.

Med Fosseforedraget og -prisen får vi ein ny årleg kulturtradisjon som bringar verdslitteraturen til Noreg og norsk litteratur til resten av verda. 

Jon Fosse om prisvinnarane 2025

Nobelprisvinnar i litteratur Jon Fosse er svært nøgd med både foredragshaldaren og prisvinnaren for 2025.

Foredragshalder Jean-Luc Marion (f. 1946) har vigd karrieren til studiet av mellom anna fenomenologi og teologi. Marion vil snakke om litteraturen frå sitt perspektiv i Fosseforedraget.

– Han lagar eit veldig solid rom for litteratur når det gjeld å forstå og oppleve livet eller lære noko, for eksempel om kjærleik, og om Gud for den del, seier Jon Fosse om Marion.

Fosseprisen for omsetjarar skal bidra til å heidre omsetjarkunsten og understreke den viktige rolla omsetjarane har når det gjeld å bringe norsk litteratur ut i verda.

Prisvinnar Hinrich Schmidt-Henkel har sidan 1987 arbeidd med å omsetje litteratur frå norsk, dansk, fransk og italiensk til tysk, og har mellom anna omsett Jon Fosse, Tarjei Vesaas, Henrik Ibsen, Cecilie Løveid og Ruth Lillegraven.

– Tyskland har tradisjonelt vore det viktigaste landet for omsett norsk litteratur, og i mange år har Hinrich vore den viktigaste tyske omsetjaren, så eg synest dette er eit heilt opplagt val, seier Fosse.