Lær å syngje sjømannsviser

Kva skal skje? 

Høyr om korleis det har blitt sunge på sjøen, til arbeid og til fest. I denne verkstaden gir Haakon Vatle ei innføring i historia om sjømannssongar og sjantitradisjonen, og saman lærer deltakarane å syngje i lag. Sjømenn har sunge både til arbeid (sjantiar) og når dei hadde fri (frivaktsviser). Dette gjorde sitt utslag i songane, som anten er veldig muntre eller særs sørgmodige. 

Kven møter du?  

Interesse for songar til sjøs fekk tidlegare seglskutesjømann Haakon Vatle etter å ha mønstra på SS «Statsraad Lehmkuhl», der han i dag er direktør. Han har skrive masteroppgåve om sjantitradisjonen, og saman med Storm Weather Shanty Choir held han konsertar til fulle hus i inn- og utland.  

Når og kor?  
Laurdag kl. 16–17 
Nasjonalbiblioteket, Målstova. Inngang frå Solli plass.   

Slik kjem du deg hit: Besøk Nasjonalbiblioteket

Treng du billett?   

Verkstaden er gratis, men du må melde deg på for å sikre deg plass.  

Billettar: Hent billett!

Møt opp seinast ti minuttar før start. Påmelding er bindande. 

Kva er Handverksfestivalen?  

Handverksfestivalen på Nasjonalbiblioteket er ein årleg festival som feirar den materielle kulturarven vår. Gjennom verkstader, panelsamtaler, foredrag og kunstopplevingar formidlar vi kunnskap om alt folk har laga med hendene i tidlegare tider. I år er temaet for festivalen havet. Ein viktig arbeidsplass, eit rikt matfat og ei kjelde til forteljingar, kunst og musikk. Vi byr på over tjue arrangement over to dagar. Sjå heile programmet her!

Mat og drikke:

Du kan ta med deg mat og drikke inn på arrangementa.   

Credo gir publikum ved Nasjonalbiblioteket eit serveringstilbod forankra i norsk matkultur. I Nasjonalbibliotekbaren kan du nyte småmat og forfriskingar, og i løpet av hausten opnar bakeri, kantine og restaurant: https://www.nb.no/ombygging
Med kunnskap om og respekt for jorda og råvarene skaper Credo måltid der fortid, notid og framtid møtast.

Velkomen!