7
sep
Lova for landet. Om Magnus Lagabøtes landslov
Fredag 7. september 2018, at 19:00 – 22:00
Nasjonalbiblioteket
Alle førehandsbillettane er no henta ut, men halvparten av plassane i salen er blir tilgjengelege i døra ved innslepp til arrangementet. Dørene opnar kl. 18.30 og vi tilrår å vere ute i god tid.
Vi strøymer også arrangementet til fleire lokale på huset.
Som eitt av dei fyrste kongerika i Europa blei Noreg samla under ei lov mellom 1274 og 1276. I nesten fire hundre år var Magnus Lagabøtes landslov med på å forme befolkninga sitt liv. Korfor fekk Noreg landslov før nesten alle andre? Kva bygde ho på? Korleis virka ho i samfunnet i tida ho blei skrive? Og kva spor kan ein finne av ho i dagens lovgjeving?
I august kom Codex Hardenbergianus til Noreg etter 500 år i Danmark. Dette er den viktigaste og vakraste av alle kjende utgåver av landslova, og det er ei stor hending at ho no er blitt tilgjengelig her. Nasjonalbiblioteket inviterer derfor til heilaftan om Magnus Lagabøtes landslov. Jussprofessor og prosjektleiar for Landslovprosjektet, Jørn Øyrehagen Sunde, ein av våre fremste forskarar i norrøn filologi og mellomalderkultur, prof. em. Magnus Rindal, historikar og ekspert på lov og rett i mellomalderen, Anne Irene Risøy, stipendiat i historie, Ole-Albert Rønning, og postdoktor Anna Horn møter programleiarar Aslak Sira Myhre og Erling Sandmo til samtalar. Øyonn Groven Myhren og SISU står for kveldens musikalske innslag, og skodespelar Frank Kjosås les frå landslova.