Festtale

Festtale til sinnafeministen – Marta Breen

13. mai kl. 12:00 - 13:00Gratis inngang
Artemisia Gentilleschi, "Judith halshugger Holofernes", 1620. Ufizzi galleriet, Firenze. Foto: Wikimedia Commons

Informasjon

Ho øydelegg alle hyggjelege middagar, særleg når ho har drukke. Ho klarer ikkje å ta imot ein bukett roser på valentinsdagen utan å tyte om at romantikk er sexisme. Gratulerer du henne med dagen på 8. mars, asar ho seg opp og roper «Gratulerer med kva, då? At vi har vore undertrykte i fleire tusen år?!». Ho er forbanna. Og det med god grunn.  

I sin «Festtale til sinnafeministen» tek forfattar, journalist og feminist Marta Breen oss med bak biletet av den kortklipte furia og inn i fleire hundreår med raseri.  

 

Det er gratis å vere med, men vil du sikre deg plass, må du ha billett. Billett kan hentes 3 veker før arrangementet.

Ubrukte billettar blir gitt vidare fem minutt før arrangementet startar. Dørene opnar 30 minutt før, og du kan for anledninga kjøpe deg både mat og drikke i Kafé Å – velkommen!  

 

Det er fort gjort å setje folk i bås. Då kan vi le av dei, ta avstand frå dei eller herme etter dei. I foredragsserien «Festtaler» ber vi kjende og kunnskapsrike folk om å halde talar til dei kjæraste stereotypiane våre. 

Kommende arrangementer