Fosse-manus dukka opp etter 42 år
Fosse-manus dukka opp etter 42 år
Jon Fosse: – Eg var heilt sikker på at manuset til Raudt, svart var forsvunne.
Då Jon Fosse debuterte med boka Raudt, svart i 1983, fekk han beskjed av forlagskonsulenten å kutte ned den gjentakande forma som han seinare skulle bli så kjend for. Den unge Fosse høyrde etter konsulenten og kutta ned teksta.
Seinare har nobelprisvinnaren angra på at han høyrde på forlaget, men både Fosse sjølv, forlaget og alle andre har trudd at originalteksta hadde gått tapt – til no. Då Fosse rydda ut av barndomsheimen i Strandebarm i sommar, dukka nemleg det som ser ut til å vere fyrsteutkastet av Raudt, svart fram.
– Eg var heilt sikker på at manuset til Raudt, svart var forsvunne. Det kan verka som om det er fyrstemanuset, som i så fall faktisk er interessant også for meg! Eg meiner jo at romanen vart dårlegare og dårlegare di meir eg strauk, seier Jon Fosse.
