House er ein av dei mest sentrale musikksjangrane i elektronisk dansemusikk (EDM). House har sitt opphav frå Chicagoklubben The Warehouse i 1977. [...]Tempoet på eit housetrack kan variere frå 110 til 140 taktslag i minuttet, men ligg som regel kring 125 til 128. Enkle, repeterande rytmiske og melodiske mønster, samt effektar, blir lagt lag på lag etter 2, 4, 8 eller 16 takter, noko som skapar ein kompleks og variert heilskap. House kan vere både med og utan vokal. Blir det nytta vokalsampel, er dei klipte opp og digitalt redigerte.  Mangfaldet som har vakse fram gjennom åra har resultert i ein fragmentert og omfangsrik sjanger, der ei lang rekkje undersjangrar strekkjer seg mot ulike estetiske lydideal. Deep house, minimalistisk house, acid house, Chicago house, fransk house, progressiv house og tropisk house er typiske døme på det. (SNL, 13.01.2026)

norsk nynorsk