Årets nynorskkommune 2020

Prisutdeling

Kulturdepartementet skal kåre årets nynorskkommune 2020. Prisen, som er på 100 000 kroner, går til ein kommune eller fylkeskommune som tar særleg godt vare på det nynorske skriftspråket. I år har juryen prioritert kommunar og fylkeskommunar som har brukt nynorsken godt i informasjons- og kommunikasjonsarbeidet under koronakrisa. Hareid kommune, Kvinnherad kommune, Sunnfjord kommune og Voss herad er finalistane i årets tevling.

Kulturminister Abid Raja deler ut prisen.

Program:

12.30    Mingling og lunsjmat

13.00    Velkomen ved juryleiar Margrethe Kvarenes

13.05    Framsyning av film/kåseri

13.10    Kulturministeren held tale og deler ut prisen for 2020

13.25    Pressebilete av vinnar og minister

13.30    Takketale ved vinnarkommunen

13.45    Arrangementet er slutt

Påmeldingsinformasjon: På grunn av mindre kapasitet og krav til smittesporing må ein melde seg på arrangementet på førehand. Du melder deg på ved å fylle ut dette elektroniske skjemaet.

Arr.: Språkrådet