Nasjonalbibliotekar
Vigdis Moe Skarstein er tilsett som nasjonalbibliotekar frå 1. desember 2003. Nasjonalbibliotekaren har det overordna ansvaret for planlegging, drift og utvikling av verksemda til biblioteket.

Assisterende nasjonalbibliotekar
Roger Jøsevold er tilsett som nestleiar for Nasjonalbiblioteket frå 1. januar 2004. Assisterande nasjonalbibliotekar har i samarbeid med nasjonalbibliotekaren ansvar for planlegging, drift og utvikling av verksemda til biblioteket.

Direktør for Formidling
Marit Vestlie er direktør for fagavdelinga Formidling.
Fagavdelinga har ansvar for formidlingsarbeid og publikumsretta tiltak i Nasjonalbiblioteket. Avdelinga skal tilby eit heilskapleg kultur- og kunnskapsformidlingsarbeid som bringar samlingane nærare eit stort, kunnskapsrikt og krevjande publikum.

Direktør for Tilvekst og kunnskapsorganisering
Jonny Edvardsen er direktør for fagavdelinga Tilvekst og kunnskapsorganisering. Avdelinga har ansvar for pliktavlevering og bibliografiske tenester.

Direktør for IKT og digitalisering
Svein Arne Solbakk er tilsett som direktør for fagavdelinga IKT og digitalisering frå 1. april 2004. Avdelinga har ansvar for utviklingsoppgåver innan IKT og for forvaltning og drift av Nasjonalbiblioteket sine fag- og støttesystem. Dei viktigaste fokusområda er utvikling av eit einsarta digitalt bibliotek, vidareutvikling av det digitale sikringsmagasinet i Nasjonalbiblioteket og utvikling av verkty for pliktavlevering av digitale dokument.

Direktør for Fag og forskning
Kristin Bakken er direktør for fagavdelinga Fag og forsking. Avdelinga har ansvar for å byggje opp, utvikle og formidle samlingar innanfor alle medietypar, og leggje til rette for forsking på desse samlingane.

Direktør for Bygg og tekniske tenester
Bjørn Skevik er direktør for stabseininga Bygg og tekniske tenester. Eininga tek seg av dei administrative støttetenestene for nasjonalbibliotekaren, fagdivisjonane og leiarane. Dei administrative områda er kontorstøtte, tekniske tenester, tryggleik og drift av bygningar.

Direktør for Økonomi, personal og jus
Bjørnar Gundersen er direktør for avdelinga Økonomi, personal og jus. Som økonomidirektør skal han ta hand om fagleg utviklingsarbeid for å leggje til rette for den vidare utviklinga av mål- og resultatstyring i Nasjonalbiblioteket. Økonomidirektøren har også ansvaret for personal og juridisk stab.

Direktør for Informasjon, utstillingar og jubileum
Tone Dahle er direktør for Informasjon, utstillingar og jubileum. Avdelinga arbeider med intern- og eksternkommunikasjon, på nett og i trykt form, marknadsføring av Nasjonalbiblioteket sine tenester og pressekontakt. Avdelinga har også ansvaret for nasjonale forfattarjubileum og for den formidlinga av av samlinga som skjer gjennom utstillingar og arrangement i Nasjonalbiblioteket.