Filmdokumentasjon er eit arkiv som har som oppgåve å samle inn, bevare og formidle dokument som er knytte til den norske filmarven, og til utanlandske filmar framsynt i Noreg.
Foto: En herre med bart (Alfred Maurstad 1942). Et norsk lystspill typisk for filmer produsert under den tyske okkupasjonen av Norge.
Innhald:
Filmdokumentasjon inneheld dokumentasjon knytt til norske og utanlandske filmar. I arkivet finst det mapper på rundt 28 000 filmar og 16 000 personar, og arkivet har òg mapper på ei rekkje andre emne. Arkivet samlar inn, registrerer, oppbevarer og formidlar mellom anna stillbilete, filmprogram, vaskesetlar og anna reklamemateriale, pressemateriale, avisklipp og kritikkar, katalogar og program, og dessutan filmplakatar. Filmdokumentasjon har òg spesialsamlingar når det gjeld personar, institusjonar og selskap. Materialet i filmdokumentasjonsamlinga er deponert eller gitt som gåve av norske filmprodusentar, distributørar, kinoar og privatpersonar.
Bruk av arkivet:
Arkivet er tilgjengeleg for alle (med visse restriksjonar for delar av samlinga), men rettar seg særleg til brukarar som driv med forsking, oppgåveskriving og undervisning relatert til film. Materialet er ikkje til utlån, men kan bli nytta etter avtale på lesesal, og mesteparten er det òg høve til å kopiere (sjå prisliste nedanfor). Materialet blir skaffa fram etter avtale. Stillbilete er heller ikkje til utlån, men arkivet kan lage kopiar til bruk. Brukaren må betale for framstilling av kopiar (sjå prisliste nedanfor), og må sjølv skaffe seg løyve frå rettshavar til å publisere bileta. Ver merksam på at Filmdokumentasjon ikkje har eller formidlar rettar til å bruke bileta. Brukaren må returnere kopiar av bileta.
Foto: Detektor (Pål Jackman, 2000). Populær komedie av en ny generasjon norske filmskapere
Bestilling av bilete:
Ein må rekne med ei viss leveringstid på kopieringa av stillbilete, avhengig av mengda arbeid som arkivet må utføre. Vanleg leveringstid for stillbiletekopiar er 1–2 dagar.
Sikring:
Materialet som blir oppbevart i Filmdokumentasjon må ein behandle varsamt, og ei viktig oppgåve for arkivet er å sikre materialet for framtida, samtidig som det skal vere tilgjengeleg i dag. Arkivet er i gang med å digitalisere alle stillbileta som er knytte til den norske filmproduksjonen. Avfotografering av dei norske filmplakatane er allereie utført. Filmdokumentasjon er òg i gang med å registrere arkivmaterialet sitt i databasen Mavis.
Prisar:
Kopimaskin:
A4 kr. 2,- pr. stk., etter 20 kopiar kr. 1,- pr. stk.
A3 kr. 4,- pr. stk., etter 10 kopiar kr. 2,- pr. stk.
Digitalt bilete:
kr. 350,- pr. bilete (pluss MVA)
Offentlege institusjonar, studentar og elevar betaler kr 200,- (pluss MVA)
Andre fototenester: Pris etter avtale.
