Språkbanken er ei teneste til den delen av næringslivet som arbeider med utvikling av av språkbasert IKT, til forskarar innanfor språkteknologi og språkvitskap, og til offentlege verksemder som utviklar elektroniske løysingar for offentlege tenester. Språkbanken inneheld mellom anna tekst- og talespråkskorpus, det il seie store samlingar av tekst og tale i maskinleseleg format.

Språkbanken er eit nasjonalt infrastrukturtiltak som skal sikre at det vert utvikla språkteknologiske produkt tufta på norsk språk, og dermed hindre tap av bruksområde for norsk språk på teknologiavhengige område, jf. Mål og meining (St.meld. nr. 35 - 2007-2008).

Ressursane til Språkbanken er fritt tilgjengelege på nett. Klikk på "Tilgjengelege ressursar" i margen til venstre for å sjå meir om desse ressursane. Språkbanken har òg sett i gang ulike prosjekt for å utvikle nye ressursar. I 2012 og 2013 skal tre prosjekt verte sluttførte. Les meir om dette under "Prosjekt".