Nota bene - ny skriftserie fra Nasjonalbiblioteket
Merethe Myrvang
5. november kjem den første utgåva i den nyetablerte vitskaplege skriftserien til Nasjonalbiblioteket ut. Med det får Nasjonalbiblioteket ein eigen formidlingskanal for forsking som anten byggjer på samlinga i biblioteket eller som har relevans for denne samlinga.
Den første Nota bene-utgåva er ein monografi om Nasjonalbiblioteket si eiga historie. Det er statsvitar Marianne Takle som har skrive boka Det nasjonale i Nasjonalbiblioteket. Marianne Takle var tilsett ved Nasjonalbiblioteket i perioden 2005-2008, og arbeidde då med den samfunnvitskaplege boksamlinga i biblioteket.
Skriftserien blir gitt ut av det akademiske forlaget Novus. Nasjonalbiblioteket vil på eigne nettsider publisere utgåvene elektronisk, men med ei lita forseinking i høve til papirutgåva.
Alle nyheter ...