Har du ein gul kjole?

Av Birgit Hvoslef Dahl

2009.06.03

1. august samlar om lag 100 kvinnelege koristar seg på Sognefjellet. Dette gigantiske kvinnekoret skal syngje, puste og lage lydar i framsyninga "Å Isak! Hamsun på tvers av tida". Alle damene skal vere kledde i gule kjolar, og til det treng vi di hjelp.

Har du ein gul kjole du kan låne eller gje bort til framsyninga?

Alle storleikar, fasongar og fargenyansar av gult er av interesse. Ta kontakt med prosjektkoordinator i Lom/Vågå, Hildegunn Hovde, på hamsun.kor@live.com eller tlf. 951 58 068.

Korist?
Vi treng og frivillige songarar til kvinnekoret. Vil du vere med som korist i "Å Isak!" på Sognefjellet?
Ta kontakt med Hildegunn Hovde på hamsun.kor@live.com eller tlf. 951 58 068.

"Å Isak!"
"Å Isak! Hamsun på tvers av tida" er den andre av fire nasjonale markeringar av Knut Hamsun sitt 150-årsjubileum, og finn stad i Lom/Vågå laurdag 1. august.

Teaterframsyninga tek utgangspunkt i romanen Markens grøde, som Hamsun fekk nobelprisen i litteratur for i 1920.

Fem kvinnelege, norske samtidsforfattarar har skrive kvar sin tekst med eit kvinneblikk på Hamsun og Markens grøde: Herbjørg Wassmo, Vigdis Hjorth, Hanne Ørstavik, Maria Tryti Vennerød og Gro Dahle. Dette er tekstgrunnlaget for teaterproduksjonen. Regi er ved Kjersti Horn/Riksteatret. Musikken vert komponert av Erik Hedin

Framsyninga blir ei "happening" som skal vera gratis for alle å sjå. Scenografien vert det monumentale Sognefjellet med Fanaråken i bakgrunnen, og på scena vil det berre vera kvinner, alle kledt i gule kjolar. Og din kjole kan være med å gjøre dette til ei stor kunstnarisk og estetisk oppleving du seint vil gløyme!

Les meir om teaterframsyninga "Å Isak! Hamsun på tvers av tida" i kalenderen.

Hør Hildegunn Hovde etterlyse sangere og kjoler på Det fikser P1 08.06.09 (ca 40 min ut i sendingen).

Ansvarlig redaktør: Tone Dahle
Copyright Nasjonalbiblioteket © 2008