INNHOLD:
Ei oppsummering av forholda inni og utafor folk i Norge i 70-åra. På nordvestlandet, utpå ei øy kalla Eikøy, og inne på fastlandet, ein stad kalla Ramvik, driv hovudpersonane fram og attende, med og imot seg sjøl og andre - og imot ver og vind.
Det handlar om kjærleik og hat, om å vere ein sjalu og alkoholisert trygdesjef, om å klare av overgangsalderen utan for mange valium, om å vere pensjonert postopnar og sjå sine ungdoms idealar gå i oppløysing, om å avfolke ei øy utan at nokon merkar det, om å bli gravid og prøve å få abort, om å sjøne noko av den bakvendte logikken som styrer kjenslene og handlingane våre, og om å ha vilje til å forandre denne verda, så kjærleikens vilkår skal kunne bli betre.
I to dagar får vi glimt av korleis mange av oss har opplevd og overlevd Norge i syttiåra.
(Fra filmens programhefte)