Kollokviet finn stad i Nasjonalbiblioteket sitt Slottsbibliotek tysdag 1. september klokka 13.00-15.00.

Den physiographiske Forening vart skipa i Christiania i 1824. Foreininga vart eit samlingspunkt for eit lite vitskapleg miljø som femna både universitetsprofessorar og vitskapsamatørar med astronomen og fysikaren Christopher Hansteen som ruvande forgrunnsfigur.

Foreininga var en forløpar for Videnskabs-Akademiet og danna opptakta til den valdsame ekspansjonen til naturvitskapane i andre halvdelen av 1800-talet. Her spelte fysikken og kjemien ei vesentleg rolle. Bjørn Pedersen har sett nærare på verksemda til fysikarane Jens Jacob Keyser (1780-1847) og Lorentz Langberg (1810-1857) og kjemikaren Julius Thaulow (1812-1850).

Seinare kollokvium vil ha følgjande bidragsytarar og tema:

• 13. oktober: Anton Fredrik Andresen: Gregers Fougner Lundh
• 3. november: Astrid Lorenz: Observatoriet som kulturell møteplass
• 1. desember: Anne Lise Seip: Johan Sebastian Welhaven