Oljemaleri av Jacob Munch (?). Fotografi av original ved fotograf O. Væring.

Kollokviet finn stad tysdag 13. oktober kl. 13.00-15.00.

Gregers Fougner Lundh (1786-1836) var den første professoren i økonomi i Noreg. Han utfalda seg på ei rekkje ulike samfunnsområde i den nye norske staten etter 1814: teknologi og naturfag, språk og historie, økonomi og statistikk. I 1822 starta han tidsskriftet Magazin for Naturvidenskaberne saman med astronomen Christopher Hansteen. Han var ei drivande kraft i Selskabet for Norges Vel og ein inspirator for unge vitskapsdyrkande studentar.

Historikaren Anton Fredrik Andresen er knytt til Forum for universitetshistorie ved Universitetet i Oslo. Han har særlig arbeidd med økonomifaget si historie og undervisnings-, kunnskaps- og universitetshistorie. Han vart i 2004 dr. art. på avhandlinga Nytte, dannelse, vitenskap ? : universitetet og økonomifaget i det nye Norge, 1811-1840.

Kollokviet er ope for alle.

Seinare kollokvium vil ha følgjande bidragsytarar og tema:

• 3. nov.: Astrid Lorenz: Observatoriet som kulturell møteplass
• 1. des.: Anne Lise Seip: Johan Sebastian Welhaven