Konferansen vil fokusere på fotografiet si rolle i den visuelle kulturen og i framtidige arkiv, konsekvensar av digital produksjon og digital arkivering og fotografiet som kjelde for forsking.

Tid: Måndag 25. januar kl. 09.00-17.00
Stad: Nasjonalbiblioteket, Henrik Ibsens gate 110, Solli plass

Program:

• Hard Disks and Soft Sciences, Matthias Bruhn (Humboldt-Univärsitet, Berlin):
• Algorithmic Cultures: Beyond the Film/Photo-divide, Eivind Røssaak (National Library of Norway).
• The Camera and the Filing Cabinet Set, John Tagg (Binghamton University)
• Guillotined Photographs and the Context Cure, Jens Petter Kollhøj (National Library of Norway).
• Photography Terminates Where? Nina Lager Vestberg (Norwegian University of Technology and Science).
• Photographic Archives going Public, Kristin Aasbø (National Library of Norway).
• Missing Photographs from the Age of Mechanical Reproduction, Harald Østgaard Lund (National Library of Norway).
• The Concept of Documentary Study, James Elkins, (School of the Art Institue of Chicago)

Fullstendig program

Påmelding og spørsmål til: arthur.tennoe@nb.no

Foto: Nasjonalbiblioteket

Om temaet for konferansen:

80 millionar bilete
I 2008 gjennomførte Nasjonalbiblioteket, i samarbeid med Preus museum og fotobevaringsinstitusjonane i Noreg, eit prosjekt kalla ”80 millionar bilete – Norsk kulturhistorisk fotografi 1855 – 2005”. Dette bestod av ei utstilling og ei bok om dei 80 millionane bileta i norske arkiv frå den analoge perioden. Prosjektet undersøkte dei komplekse relasjonane mellom fotografi, historie, ideologi og estetikk. Fokuset var på vintage prints, i seriar, original brukskontekst og dei arkivmessige aspekta.

Arkivet i rørsle: The Archive in Motion
I 2009 arrangerte Nasjonalbiblioteket ein konferanse kalla "The Archive in Motion" - Arkivet i rørsle. Konferansen undersøkte den samtidige utviklinga i omgrepet arkiv. Omgrepet arkiv har ekspandert til område bortanfor det klassiske arkivet, til kunst, filosofi og nye tekst- og mediapraksisar. Desse nye praksisane både motset seg og endrar det arkiviske, kanskje skaper dei det vi kan kalle ein anarkivisk tilstand.

Fotografiet sine framtidsutsikter: The Ends of Photography
Som kulturarvsinstitusjon og forskingsbibliotek vil vi, som eit framhald av desse to hendingane, arrangere ein konferanse for å undersøkje den samtidige og framtidige situasjonen for fotografiet sine framtidsutsikter og dei nye arkivomgrepa. Den samtidige skjermkulturen er grunnleggjande ein visuell kultur. Kva status har det fotografiske biletet, frå negativ, ”Vintage prints”, og reproar i det tradisjonelle arkivet, til digitale kopiar og det digitalt fødde? Kva er konsekvensane av digital produksjon og digital arkivering? Kva er tapt/vunne i omsetjinga frå analog til digital? Omgrepet om fotografi er under press: Kva er konsekvensane av det nokon har kalla det post-fotografiske paradigmet? Kva er den potensielle framtida for det fotografiske arkivet? På kva måtar vil fotografiet vere ei kjelde til kunnskap i framtida?

Eit arkiv er aldri målet til eit fotografi. Vi skal bringe dokumenta våre mot andre mål: Som både eit arkiv og eit bibliotek er ambisjonen vår å vere ein aktiv del av forskingsinfrastrukturen. Oppgåva vår er å setje oss i stand til å forstå og tolke dei moglege kontekstane, å gjere eitkvart relevant dokument i alle typar media til ei kjelde for forsking i framtida. For å utøve denne oppgåva, for å vere eit arkiv for fotografi i framtida, må vi undersøkje dei samtidige utviklingstrekka og konsepta og lage rom for ein dialog mellom arkiv, bibliotek og forskingsmiljøa.

Konferansen vil vare ein dag og vil vere ein kombinasjon av internasjonale og norske talarar, ein dialog mellom forskarar og forskingsbibliotekarar - fotoarkivarar.