FIAF-kongress i Oslo
Merethe Myrvang
Den internasjonale FIAF-kongressen blir arrangert i Oslo til våren. Kongressen, som er den 66. i rekkja, samlar arkivarar for film og audiovisuelle media frå heile verda.
Nasjonalbiblioteket har, saman med Norsk filminstitutt, fått ansvaret for å arrangere filmkongressen. Det er venta nærare 400 delegatar til Oslo i perioden 2. - 8. mai, og tema for symposiet er Digitale utfordingar og utviklingsmåtar innan audiovisuelle arkiv.
FIAF samlar meir enn 120 arkiv frå 65 land som samarbeider om å utvikle betre metodar for bevaring, restaurering og vising av film. Det blir fastsett standardar og skjer ei omfattande kunnskapsutveksling i organisasjonen, og det blir òg drive utviklingsassistanse i arkiv som av ulike årsaker slit med utfordringar i høve til filmbevaring.
Alle nyheter ...
