Språkbanken tilbyr digitale språkressursar til forsking og språkteknologisk utvikling. Ressursane er fritt tilgjengelege på nett, og samlinga vert stadig utvida.

Aktuelt:

• Språkteknologikonferanse på Nasjonalbiblioteket! Hald av datoane 7.-8. oktober, da arrangerer Nasjonalbiblioteket, Forskingsrådet og NHO ein konferanse om språkteknologi i samband med Språkåret 2013. Les meir om arrangementet på denne sida.

Nye ressursar:

• 2013-04-12: Versjon 0.4 (beta) av Språkbanken sine manuelt annoterte tekstkorpus er lagd ut på sida for tekstressursar .
• 2013-04-09: Versjon 1.1.0 av Norsk ordvev er publisert,  sjå sida for leksikalske ressursar .
• 2013-01-02: Avisartiklar frå VG 2012 er lagde til Norsk aviskorpus, sjå sida for tekstressursar .

Om Språkbanken
Språkbanken er ei teneste til den delen av næringslivet som arbeider med utvikling av av språkbasert IKT, til forskarar innanfor språkteknologi og språkvitskap, og til offentlege verksemder som utviklar elektroniske løysingar for offentlege tenester. Språkbanken inneheld mellom anna tekst- og talespråkskorpus, det vil seie store samlingar av tekst og tale i maskinleseleg format.

Språkbanken er eit nasjonalt infrastrukturtiltak som skal sikre at det vert utvikla språkteknologiske produkt tufta på norsk språk, og dermed hindre tap av bruksområde for norsk språk på teknologiavhengige område, jf. Mål og meining (St.meld. nr. 35 - 2007-2008).

Ressursane til Språkbanken er fritt tilgjengelege på nett. Klikk på Tilgjengelege ressursar i margen til høgre for å sjå meir om desse ressursane. Språkbanken har òg sett i gang ulike prosjekt for å utvikle nye ressursar. I 2012 og 2013 skal tre prosjekt verte sluttførte. Les meir om dette under Prosjekt .